اتر پردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یو پی میں ریکارڈ 5,234 نئے معاملے سامنے آئے ہیں، وہیں 87 لوگوں کی موت ہوئی ہے۔
دارالحکومت لکھنؤ میں آج ریکارڈ 825 مثبت کیسز پائے گئے ہیں۔ ساتھ ہی 11 لوگوں کی موت بھی ہوئی ہے۔
لکھنؤ میں مریضوں کی تعداد 48089 جبکہ 38728 صحتیاب ہوئے اور 630 لوگوں کی موت ہوئی۔ اتر پردیش میں ایکٹیو کیسز کی بات کریں تو سب سے زیادہ لکھنؤ میں 9610 ہیں۔
لکھنؤ میں گذشتہ 10 دنوں میں ریکارڈ 9 ہزار 755 مثبت کیسز آئے ہیں، جبکہ 117 لوگوں کی موت ہوئی ہے۔ وہیں 12 ہزار 309 مریض ڈسچارج بھی ہوئے ہیں۔
مزید پڑھیں:
کورونا کی جانکاری نہ دینے پر پانچ ہسپتالوں کو نوٹس
ریاست میں کورونا مثبت کیسز، صحتیاب مریضوں کی تعداد اور ایکٹیو کیسز کے معاملے میں لکھنؤ پہلے پائدان پر ہے اور اب موت کے کیس میں بھی لکھنؤ پہلے پائدان پر ہے۔
