لکھنؤ کے مال ایونیوں میں واقع معروف صوفی بزرگ حضرت دادا میاں کا مزار مرجع عوام و خواص ہے/ یہاں ربیع الاول کا چاند نمودار ہوتے ہی سلسلہ وار طریقے سے متعدد پروگرامز کا اہتمام کیا جاتا ہے۔ رواں برس سیرت النبیﷺ پر مشتمل بچوں کے لئے کوئز مقابلہ کا اہتمام کیا گیا ہے، اس میں شریک بچوں کو انعامات سے نوازا جائے گا۔ اور نمایاں کامیاب بچوں کو خاص انعام دیا جائے گا۔
یہ مقابلہ 9 اکتوبر 3 بجے سے شروع ہوگا جبکہ رجسٹریشن اسی دن کچھ گھنٹہ قبل کیا جائے گا ایک اندازے کے مطابق تقریبا 5 سو بچوں کے شامل ہونے کا امکان ہے۔ Children's quiz competition at Dada Mian Dargah
درگاہ کے ترجمان مولانا عارف نے بتایا کہ بچوں میں پیغام نبویﷺ اور سیرت النبیﷺ کے حوالے سے صحیح معلومات پہونچانے کے لئے کوئز مقابلہ کا اہتمام کیا گیا ہے جس میں پانچ سو بچے شامل ہوں گے۔
انہوں نے بتایا کہ یہ پروگرام شاہ نبیﷺ رضا ٹرسٹ منعقد کررہی ہے اس کا مقصد بچوں تک سیرت نبویﷺ کو پہونچانا ہے اور دینی خدمات کے جذبات کو بیدار کرنا ہے۔
