نوابی شہر لکھنؤ کے بازاروں میں رونق

اسلام کے پانچ بنیادی ارکان میں رمضان المبارک بھی ایک رکن ہے، رمضان ماہ کی رونق پورے عالم اسلام میں دیکھنے کو ملتی ہے۔

لیکن اترپردیش کے دارالحکومت لکھنؤ میں جو کہ نوابی شہر کے نام سے پوری دنیا میں مشہور ہے، کے بازاروں میں ماہ رمضان میں الگ ہی رونق دیکھنے کو ملتی ہے۔

ویسے دیکھا جائے تو اس شدید گرمی میں دن میں لوگوں کی آمد و رفت بہت کم ہوتی ہے، لیکن بعد نماز عصر یہاں پر بازاروں میں روزے داروں کی بھیڑ بڑھتی جاتی ہے۔

ای ٹی وی بھارت سے بات چیت کے دوران ایک کھجور فروش نے بتایا کہ 'ماہ رمضان میں کھجور کی خریداری بہت زیادہ ہو جاتی ہے، جس وجہ سے ہماری آمدنی میں بھی اضافہ ہوتا ہے'۔

دہی بڑا بیچنے والے زاہد صاحب کا کہنا ہے کہ 'ہمارے کام میں رمضان ماہ کا کوئی فرق نہیں پڑتا، جیسے پہلے ہمارے یہاں لوگ آتے تھے، ویسے اب بھی آتے ہیں، لیکن فرق یہ ہے کہ جو سامان پہلے 6 گھنٹوں میں فروخت ہوتا تھا، ماہ رمضان میں محض دو گھنٹوں میں ہی بِک جاتا ہے'۔