ریاست اترپردیش کے ضلع مظفر نگر میں تھانہ بھوپا کے علاقے میں اس وقت ہلچل مچ گئی جب ایک محبت کرنے والے جوڑے نے بیلڈا گنگا ندی پل سے گنگا ندی میں چھلانگ لگا دی۔
واضح رہے کہ نہر میں کودنے سے پہلے نوجوان نے فون پر چھلانگ لگانے کی بات گھر والوں سے کہی تھی جس کے بعد ندی کے پل پر لوگو کا ہجوم جمع ہوگیا تھا۔
اطلاع ملتے ہی پولیس بھی موقع واردات پر پہنچ گئی اور پولیس نے غوطہ خوروں کی مدد سے کافی دیر تک ان کو تلاش کرنے کی کوشش کی لیکن کوئی کاميابی ہاتھ نہیں لگی اور تیز بہاؤ کی وجہ سے دونوں کا کچھ پتہ نہیں چل سکا۔
دراصل یہ سارا معاملہ تھانہ بھوپا علاقے کا ہے جہاں ایک محبت کرنے والے جوڑے نے گنگا نہر میں چھلانگ لگا دی۔
بھوپا علاقے کے رہنے والے 25 برس کے نوجوان للت نے ندی میں چھلانگ لگا دی جو گھر بنانے کا کام کرتا تھا جبکہ لڑکی کا نام چھوی بتایا جارہا ہے۔
پولیس موقع واردات پر ہے اور دونوں کو تلاش کرنے کی کوشش کر رہی ہے۔
