منگولیا کے سفیر گونچنگ گیمبولڈ نے کہا کہ 'کسی بھی زبان میں محبت ظاہر کرنے کے لیے الفاظ کی ضرورت نہیں ہوتی ہے ہمارے جذبات ہماری محبت کو بتاتے ہیں اور اگر ہم دنیا کو جوڑے رکھنا چاہتے ہیں تو اسے صرف محبت سے جوڑا جاسکتا ہے'۔
اس موقع پر فلم ہدایتکار ویوک اگنیہوتری، مصنف رمیش مشرا، انوپ باس، گلوبل یوگا الائنس کے ہدایتکار ڈاکٹر گوپال، فلم ہدایتکار اشوک تیاگی اور سندیپ ماروا موجود تھے۔
ہدایتکار ویوک اگنیہوتری نے کہا کہ فلمی صحافی ہونا ایک الگ چیز ہے اور سیاسی صحافی ایک الگ چیز ہے، یہاں میں صحافت کے طلباء سے کہنا چاہتا ہوں کہ یہ مسالہ اسٹوری نہ لکھیں۔'
سندیپ ماروا نے کہا کہ 'سہ روزہ فیسٹیول میں ہم نے بہت کچھ سیکھا اور سمجھا میں آپ سب لوگوں کا شکریہ ادا کرتا ہوں۔ ان تین دنوں میں ہم نے بہت ساری کتابیں جاری کیں اور بہت سی نمائشیں منعقد کیں۔
اس موقع پر رمیش مشرا کی کتاب 'پرتاپ کی سنگھرش کہانی ایک ادھورا سنگرام' کا اجراء کیا گیا۔
ڈاکٹر گوپال نے کہا کہ اس قسم کی تقریب میں علم کی گنگا بہتی ہے جو ڈوب جائے وہ منزل پا جاتا ہے۔ یہاں نہ صرف طلباء سیکھتے ہیں بلکہ ہمارے جیسے لوگ بھی بہت کچھ سیکھتے ہیں۔
پروگرام کے اختتام پر پلوامہ حملے میں ہلاک ہونے والے فوجیوں کو بھی خراج عقیدت پیش کیا گیا۔
