پولیس نے سڑک پر نکلنے والوں کی تلاشی لی اور ماسک نہ پہننے والوں کے خلاف کارروائی بھی کی، جس سے کورونا وائرس کی چین کو توڑنے میں انتظامیہ کی مدد کی جا سکے۔
اتوار کے روز شہر کے تمام چوراہوں پر پولیس مستعدی کے ساتھ لگی رہی۔ بے وجہ گھر سے نکلنے والوں کو پولیس سمجھا کر گھر واپس بھیجتی رہی۔ تو وہیں موٹر سائیکل پر بغیر ہیلمیٹ یا بغیر ماسک لگائے نکلے والے افراد کا پولیس نے چالان بھی کاٹا۔
صرف ہنگامی صورتحال میں اور ضروری کاموں سے نکلنے والوں کو پولیس نے مکمل طور سے مطمئن ہونے کے بعد ہی جانے دیا۔
اس دوران ایس پی ڈاکٹر اروند چترویدی نے خود پٹیل تراہے پر کھڑے ہوکر لاک ڈاؤن کے خلاف ورزی کرنے والوں کے خلاف کارروائی کی۔
انہوں نے بتایا کہ، 'پولیس مکمل طور سے مستعد ہے اور اس انفیکشن کی چین کو توڑنے میں وہ انتظامیہ کے ساتھ ہیں۔'
انہوں نے بتایا کہ، 'کورونا سے نپٹنے کے لیے پولیس آفس کو بھی سینیٹائز کرایا جا رہا ہے۔'
انہوں نے بتایا کہ، 'کورونا مثبت پائے گئے تمام پولیس ملازمین صحت یاب ہو گئے ہیں۔ وہ پیر کے روز سے دفتر واپس آ رہے ہیں۔'
