اڈیشنل سپرنٹنڈنٹ آف پولیس ویریندر کمار نے جمعرات کو یہاں بتایا کہ لاک ڈاؤن کی خلاف ورزی کر کے قبرستان میں فاتحہ پڑھنے گئے 15 افراد کو گرفتار کر کے جیل بھیج دیا گیا ہے۔ انہوں نے کہا کہ کورونا وائرس کے خطرے کے پیش نظر چل رہے لاک ڈاؤن میں لوگوں کے بلا ضرورت گھر سے نکلنے پر پابندی عائد ہے۔
انہوں نے بتایا کہ انتظامیہ کے ساتھ علماء نے اپیل کی تھی کہ شب براء ت کی رات اپنے گھروں میں ہی تنہا عبادت کریں باجود اس کے ان لوگوں نے ساری اپیلوں کو نظر انداز کرتے ہوئے قبرستان کا رخ کیا۔
اڈیشنل سپرنٹنڈنٹ آف پولیس نے بتایا کہ ضلع ہیڈکوارٹر کے الگ الگ قبرستان میں پکڑے گئے ان افراد پر لاک ڈاؤن کی خلاف ورزی کرنے کے الزام میں آئی پی سی کی دفعہ 188 اور 271 کے تحت مقدمہ درج کر کے انہیں جیل بھیج دیا گیا ہے۔ ضلع میں لاک ڈاؤن کی خلاف ورزی کرنے پر ابھی تک دس سے زیادہ مقدمے درج کر کے 60 سے زیادہ افراد کے خلاف کاروائی کی جا چکی ہے۔
