میرٹھ میں سوچھ بھارت ابھیان کا نعرہ دینے والی سرکاروں کے افسران میرٹھ میں وزیراعظم نریندر مودی کے نعرے کا مذاق بنا رہے ہیں۔ میرٹھ میں مسلم اکثریتی آبادی والے علاقوں میں گندگی کے سبب عوام کو دشواریوں کا سامنا کرنا پڑ رہا ہے۔ تھانہ لساڑی گیٹ علاقے میں واقع پرانے کمیلے کی جگہ پر کوڑا گھر بنانے کے سبب عام لوگوں کو بڑی دشواریوں کا سامنا کرنا پڑ رہا ہے۔
کوڑا گھر کے سامنے مسجد اور راجکیہ گرلز انٹر کالج کی سیکنڑوں طالبات کو گندی سڑکوں سے ہوکر گزرنا پڑ رہا ہے. مقامی لوگوں کا کہنا ہے کہ ضلع انتظامیہ اور میونسپل کارپوریشن سے کئی مرتبہ شکایت کی گئی لیکن انتظامیہ نے اس پر کبھی کوئی توجہ نہیں دی ۔انتظامیہ کی عدم توجہی کے سبب عام لوگوں کی پریشانیوں میں مزید اضافہ ہوا۔
مقامی باشندوں کاکہنا ہے کہ علاقے میں صاف صفائی کا کوئی معقول انتظام نہیں ہو سکا ہے ۔میونسپل انتظامیہ کی لاپرواہی کے خلاف اب علاقے میں رہنے والے مقامی باشندوں نے کوڑا گھر کی جگہ سامنے دھرنا دینا شروع کر دیا ہے ۔ان کا کہنا جب تک میونسپل اس کوڑے گھر کی جگہ پارک کا تعمیراتی کام شروع نہیں کرتا اس وقت تک ان کا احتجاج جاری رہے گا.
یہ بھی پڑھیں:Mann Ki Baat: وزیراعظم نے من کی بات میں اوم پرکاش سنگھ کی تعریف کی
میرٹھ کے پسماندہ علاقوں بالخصوص مسلم اکثریتی آبادی والے علاقوں میں حکومت کے ترقیاتی کاموں کی سست رفتار ہونے کی وجہ سے عوام کو پریشانی کا سامنا کرنا پڑ رہا ہے۔وہیں ایسے میں اب یہاں مقامی باشندے دھرنے پر بیٹھنے کے لئے مجبور ہیں۔
