پنچایت الیکشن میں ڈیوٹی کرنے کے دوران کورونا مثبت ہوئے اساتذہ کی موت کے معاملہ میں اب محکمہ بنیادی تعلیم بھی دلچسپی لے رہا ہے۔ اساتذہ کی تنظیم نے ایسے تمام اساتذہ کی فہرست تیار کر لی ہے، جو ڈیوٹی کرتے وقت کورونا مثبت ہوئے اور علاج کے دوران ان کی موت ہو گئی۔
اب تک 36 اساتذہ کے نام سامنے آئے ہیں۔ لیکن ان تمام 36 اساتذہ کے بابت کاغذی رسمی مراحل کو مکمل کرنے میں دشواریاں پیش آ ہی ہیں۔ اس میں محکمہ صحت کے پورٹل پر بھی کووڈ سے موت کی تفصیلات درج ہونا اہم کام ہے۔
اس کے علاوہ پنچایت الیکشن میں ڈیوٹی پر جانے، ڈیوٹی کرنے، طبیعت خراب ہونے، علاج کرانے، ہسپتال کی تفصیل، موت کی تاریخ وغیرہ اطلاعات محکمہ صحت کے پورٹل پر اندراج ہوں۔
ٹیچر کی موت کی حوالہ سے محکمہ صحت کے پورٹل پر درج ہونا لازمی ہے۔ اپنا فرض ادا کرتے وقت جان گنوانے والے سبھی 36 اساتذہ کی تفصیلات کو پورٹل پر اپلوڈ کیا جا رہا ہے۔ اس فہرست میں تین ٹیچر ایسے ہیں، جن کے ہمنام ٹیچر بھی اسی فہرست میں شامل ہیں۔ لہزا، ایسی صررتحال میں، ان ناموں کوبھی مختلف شناخت کے ذریعے بہت احتیاط کے ساتھ درج کیا جا رہا ہے۔
تاہم ، انتباہ دیتے ہوئے اساتذہ یونین نے اتر پردیش حکومت سے مطالبہ کیا ہے کہ پنچایت الیکشن میں ڈیوٹی کے دوران کورونا مثبت ہوکر جان گنوانے والے ٹیچرس کا واجب معاوضے کے طور پر کم از کم ایک کروڑ روپیہ دیا جانا چاہیئے کیوںکہ علاج کے دوران ان کا لاکھوں روپیہ بھی خرچ ہو گیا ہے۔
مزید پڑھیں:
ایمبولینس کیس: مختار انصاری 14 دنوں کی عدالتی تحویل میں
یونین لیڈر نے مزید کہا کہ اگر اساتذہ کی اموات کے اعداد شمار کو چھپانے یا لاپرواہی کرنے کی کوشش کی گئی تو یونین حکومت کے خلاف احتجاجی مظاہرہ کرنے کو مجبور ہوگی۔
