زرعی قوانین کی مخالفت میں جاری کسان تحریک کی حمایت کرنے والوں کو آندولن جیوی اور پرجیوی کہے جانے پر وکلاء برادری نے وزیراعظم کے بیان کی مخالفت کی ہے۔
میرٹھ میں آل انڈیا لائرز یونین اور سنيوکت ادھیوکتا مورچہ نے مشترکہ نشست کا انعقاد کر کے وزیراعظم کے اس بیان پر افسوس کا اظہار کیا۔
میرٹھ میں کسان تحریک کی حمایت کر رہے وکلاء نے وزیراعظم کے بیان کے بعد اب کسان تحریک کی حمایت کرنے کا اعلان کرنے کے علاوہ سنيوکت ادھیوکتا مورچہ کے تحت وکلاء نے اب ہر ہفتے غازی پور باڈر پہنچ کر کسان کے دھرنے میں شامل ہونے کا بھی فیصلہ کیا ہے۔
مزید پڑھیں:
لال قلعہ ہنگامہ : مزید ایک ملزم اقبال سنگھ گرفتار
وکلاء نے کہا کہ کسان تحریک میں شامل ہونے والوں کے حوالے سے پارلیمنٹ میں وزیراعظم کے ذریعے دیے گئے بیان سے ایک طرف جہاں کسان تحریک سے جڑے احتجاجیوں میں ناراضگی ہے، وہیں دوسری جانب ان مجاہدین آزادی کا بھی مذاق اڑایا گیا جنہوں نے اس ملک کو آزاد کرانے میں اپنی قربانی پیش کی۔
