اعظم گڑھ: اترپردیش کے ضلع اعظم گڑھ کے مبارکپور میں ایک بکری نے دو بچے کو جنم دیا ہے جس میں سے ایک میمنہ مکمل طور پر صحیح سلامت ہے جب کہ دوسرے بچے کو ایک ہی آنکھ ہے جو توجہ کا مرکز بنا ہوا ہے۔ One-Eyed Goat the Center of Attention
دراصل مبارک پور کے محلہ پورا خضر میں محمد رضوان قریشی کے گھر ایک بکری نے دو بچے کو جنم دیا ہے جس میں سے ایک بکرا اور دوسری بکری ہے۔ بکرا تو ٹھیک ہے لیکن دوسرے میمنے کی صرف ایک آنکھ ہی ہے اور اس کی زبان ہلکی سی منھ سے باہر نکلی ہوئی ہے جب کہ بکری کے دیگر تمام اعضا صحیح و سالم ہے۔
مزید پڑھیں:
بکری کے بچے کو دیکھنے کے بعد لوگ حیرت زدہ ہیں۔ بعض لوگوں کا کہنا ہے کہ وہ زندگی میں پہلی مرتبہ اس طرح کا میمنہ دیکھ رہے ہیں جس کی صرف ایک آنکھ ہے۔ رضوان کی والدہ نے بتایا کہ بروز منگل کے روز ان کی بکری نے دو میمنوں کو جنم دیا تھا جس میں سے ایک بالکل تندرست ہے جب کہ دوسرا میمنہ تندرست تو ہے لیکن اس کی صرف ایک آنکھ ہے۔ انہوں نے بتایا کہ میں تقریباً 30 برس سے بکری پالتی ہوں لیکن ایسا بچہ پہلی بار پیدا ہوا۔
