کرنٹ لگنے سے مزدور کی موت

دیوبند کوتوالی علاقہ کے گاؤں قاسم پورہ کا ایک مزدور پیشہ شخص کھیت میں کام کرتے وقت کرنٹ لگنے سے بری طرح جھلس گیا۔  آناً فاناً کھیتوں میں کام کرنے والے اس کے ساتھی متاثرہ شخص کو سرکاری اسپتال لے گئے لیکن ڈاکٹروں نے انہیں مردہ قراردیا

موصولہ اطلاع کے مطابق اترپردیش کے دیوبند کے قریبی گاؤں قاسم پورہ کے راجیش (45) گیان سنگھ لبکری گاؤں کے کھیتوں میں اپنے ساتھیوں کے ساتھ مزدوری کا کام کر نے کے بعد ٹیوب ویل کے پاس کھانے کے لیے گیے۔ ٹیوب ویل کے پاس انہوں نے ٹفن ٹیوب ویل کے قریب ہی نصب لوہے کی ایک اینگل میں لٹکا ہوا تھا۔

راجیش نے جیسے ہی اپنا ٹفن اتارنا چاہا تو اینگل میں کرنٹ آنے کے سبب وہ اسکی زد میں آگیےاور بری طرح جھلس گیے۔ ساتھیوں نے بڑی مشکل سے راجیش کو پول سے الگ کیا اور انہیں سرکاری اسپتال لے گئے لیکن ڈاکٹروں نے معائنہ کرنے کے بعد راجیش کو مردہ قرر دیدیا۔

اسی درمیان راجیش کے اہل خانہ بھی حادثہ کی اطلاع ملتے ہی اسپتال پہنچ گئے لیکن جیسے ہی انہیں راجیش کی موت کی اطلاع ہوئی تو وہ رنج اور صدمہ سے نڈھال ہوگئے۔