کشی نگر: 3 اسمگلر گرفتار، 13 کلو گانجا ضبط

گرفتار ملزمین نے بتایا کہ وہ گانجا اڑیسہ سے لاتے ہیں اور خریدار ملنے پر اچھی قیمتوں پر فروخت کردیتے ہیں۔

اترپردیش کے ضلع کشی نگر میں پولیس نے تین اسمگلروں کو گرفتار کر کے ان کے قبضے سے 13 کلو 300 گرام گانجا ضبط کیا ہے.

سپرنٹنڈنٹ آف پولیس ونود کمار سنگھ نے منگل کو بتایا 'آج سوات ٹیم اور کبیرستان تھانے کی پولیس نے مشترکہ طور سے کاروائی کرتے ہوئے پچ رخیا پل کے نزدیک سے تین اسمگلروں وملیش سنگھ، ہریندر شرما اور جے کشن شرما کو گرفتار کیا ہے۔ ان کے قبضۓ سے 13 کلو 300 گرام گانجا، تین موبائل فون، دو موٹر سائیکل برآمد کی گئی ہیں'۔

انہوں نے بتایا 'گرفتار ملزمین نے بتایا کہ وہ گانجا اڑیسہ سے لاتے ہیں اور خریدار ملنے پر اچھی قیمتوں پر فروخت کردیتے ہیں۔ پکڑے گئے اسمگلروں کو جیل بھیج دیا گیا ہے'۔