میڈیا سے اپنے خطاب میں چودھری راکیش نے مرکزی حکومت کے سیڈ بل کے خلاف 18 مارچ کی دہلی میں ہونے والی بڑی پنچایت سے متعلق بھی جانکاری دی۔
کسانوں پر مشتمل تنظیم بھارتی کسان یونین کے قومی صدر چودھری راکیش سنگھ ٹکیت آج الہ آباد کے اپنے تین روزہ پروگرام کے بعد مختلف اضلاع کا دورہ کرتے ہوئے یک روزہ دورے پر رامپور پہنچے۔
اس موقع پر انہوں نے میڈیا سے اپنے خطاب میں اپنے دورے سے متعلق تفصیل سے جانکاری دی۔
ایک سوال کے جواب میں انہوں نے کہا کہ مرکزی حکومت کے سیڈ بل کے خلاف کسان 15 مارچ کو دہلی میں جمع ہوں گے، جہاں ایک بڑی پنچایت کی جائے گی۔ انہوں نے کہا کہ کسانوں کے متعدد مسائل ایسے ہیں، جن پر مرکزی حکومت بالکل ہی توجہ نہیں دے رہی ہے۔
انہوں نے کہا کہ کسان سمان ندھی یوجنا کا پیسہ بھی کسانوں کو نہیں پہنچ رہا ہے۔ چودھری راکیش نے کہا کہ ان جیسے تمام مسائل کو لیکر بھارتی کسان یونین دہلی میں اپنی مہاپنچایت کرے گی۔
