اترہردیش کے ضلع سہارنپور میں زرعی قوانین کے خلاف بھارتیہ کسان یونین کی جانب سے آئندہ 5 ستمبر کو کسان مہا پنچایت کا انعقاد کرنے کا اعلان کیا گیا ہے۔ اس تعلق سے سہارنپور کلکٹریٹ میں دھرنے پر بیٹھے بھارتیہ کسان یونین کے نائب صدر ونے کمار نے بتایا کہ 5 ستمبر کو ایک مرتبہ پھر سے کسان مہا پنچایت کا فیصلہ کیا گیا ہے۔
ویڈیو
بھارتیہ کسان یونین کے نائب صدر ونے کمار نے بتایا کہ اس کے ذریعے کسان حکومت کے خلاف اپنی طاقت کا مظاہرہ کریں گے۔
مزید پڑھیں:یوم آزادی پر دہلی میں کسان ریلی نہیں ہوگی، سخت حفاظتی انتظامات
انہوں نے یہ بھی کہا کہ اس مرتبہ ہونے والی پنچایت میں لاکھوں کی تعداد میں کسان شرکت کریں گے اور حکومت کے خلاف مورچہ کھولا جائے گا اور زرعی قوانین کی واپسی تک کسانوں کا احتجاج بدستور جاری رہے گا۔
