قومی یوم کھیل کے موقع پر اترپردیش کے نوئیڈا میں سماجوادی پارٹی مہانگر کے سینئر رہنما شکیل سیفی کی صدارت میں "کھلاڑی گھیرا پروگرام" کا انعقاد پرکاش ہسپتال کے قریب سیکٹر 32 میں کیا گیا۔ کھیلوں کے مختلف شعبوں کے کھلاڑیوں نے اس 'کھلاڑی گھیرا پروگرام میں بڑے جوش و خروش کے ساتھ شرکت کی۔
اس موقع پر شکیل سیفی اور منڈل صدر مدن پال سنگھ نے کھلاڑیوں سے خطاب کیا اور ہاکی کھیل میں میجر دھیان چند کی غیرمعمولی خدمات کو خراج پیش کیا۔
شکیل سیفی نے ایک کرکٹ ٹورنامنٹ منعقد کرنے کا اعلان کیا، جس میں بہترین کھلاڑی کو مین آف دی ٹورنامنٹ، مین آف دی میچ اور ریجنل سماج اسپورٹس ٹرافی، جیتنے والی ٹیم کو دینے کا اعلان کیا۔
یہ بھی پڑھیں: نڈا نے دھیان چند کو ان کی سالگرہ پر خراج عقیدت پیش کیا
اس کھلاڑی گھیرا پروگرام کے موقع پر شکیل سیفی اور کرپوری ٹھاکر منڈل کے ساحل چودھری، منڈل صدر مدن پال سنگھ کے ساتھ ندیم، کلام ، سورج، دھننجے ،تنویر حسین، محمد اسامہ، سمت ندیم، سونو وغیرہ نے کھلاڑیوں کی حوصلہ افزائی کی۔
واضح رہے کہ قومی کھیل کا دن ہر سال 29 اگست کو بھارت میں منایا جاتا ہے۔ ہاکی کے جادوگر میجر دھیان چند کے یوم پیدائش کے موقع پر ملک میں قومی کھیل کا دن منایا جاتا ہے۔
