ناگیشور ناتھ مندر کا کھچڑی بھوج، فرقہ وارانہ ہم آہنگی کی بہترین مثال

ریاست اترپردیش کے بارہ بنکی شہر میں واقعہ ناگیشور ناتھ مندر میں کئی دہائیوں سے مکر سنکرانتی کا تہوار جوش و خروش سے منایا جاتا ہے۔

بارہ بنکی کی ناگیشور ناتھ مندر میں ہر سال مکر سنکرانتی کے موقع پر کھچڑی بھوج کا اہتمام کیا جاتا ہے جس بلالحاظ مذہب و ملت لوگ ایک ساتھ بیٹھ کر کھچڑی کھاتے ہیں۔

ناگیشور ناتھ مندر کا یہ کھچڑی بھوج برسوں سے آپسی بھائی چارے اور فرقہ وارانہ ہم آہنگی کی ایک مثال ہے۔ کھچڑی بھوج میں مختلف مذاہب کے افراد ذات، برادری اور سیاسی حدوں سے بالاتر ہوکر ایک ساتھ بیٹھ کر کھچڑی کے ذائقہ سے لطف اندوز ہوتے ہیں۔

ہر برس ناگیشور ناتھ مندر میں ہونے والے کھچڑی بھوج کا انتظام نگر پالیکا کے سابق چئیرمین مرحوم راجیو چودھری کرتے آ رہے تھے جبکہ گذشتہ برس ان کا انتقال ہوگیا۔ اس سال کھچڑی بھوج کے موقع پر راجیو چودھری کو خراج پیش کیا گیا۔ ناگیشور ناتھ مندر کا کھچڑی بھوج نہ صرف ہمارے سماجی تانہ بانہ کو برقرار رکھے ہوئے ہے بلکہ یہ گنگا جمنی تہذیب کا گہوارہ بھی ہے۔