کورونا وبا تیزی سے پھیل رہی ہے جس کی وجہ سے لوگوں کو احتیاط برتنے کی صلاح دی جارہی ہے۔ معزز شخصیات نے عیدالاضحیٰ کے موقع پر عوام کو کرونا وبا سے بچاؤ کے لیے احتیاطی اقدامات کرنے پر زور دیا۔
معززین نے محکمہ صحت کی جانب سے دی گئی تمام ہدایات پر عمل کرنے، ماسک لگانے، سماجی فاصلہ برقرار رکھنے اور صاف صفائی کا خاص خیال رکھنے کا مشورہ دیا۔ انہوں نے لوگوں کو عام راستوں پر قربانی نہ کرنے اور عوامی مقامات پر گندگی کو پھیلانے سے پرہیز کرنے کی صلاح دی۔
مظفرنگر شہر قاضی تنویر عالم نے کہا کہ عیدالاضحیٰ کے موقع پر عید کی نماز کے دوران سماجی فاصلہ کا خاص خیال رکھا جائے اور ریاستی حکومت کی جانب سے نافذ کی گئی ہدایات پر عمل کریں۔
انہوں نے عید کے موقع پر امن و امان کی برقراری پر زور دیتے ہوئے کہا کہ جانوروں کی قربانی عوامی مقامات پر نہ کریں اور قربانی کے فوری بعد جانور کی آنتیں، ہڈیاں، غلاظت وغیرہ کو دفن کردیں۔
