ریاست اترپردیش کے ضلع ہردوئی کے رہنے والے لانس نایک عابد خان بھارت اور پاکستان کے درمیان ہونے والی سنہ 1999 کی کرگل جنگ میں شہید ہوگئے تھے۔
عابد خان کی شہادت کو 20 برس کا ایک طویل عرصہ گزر چکا ہے۔
شہید عابد خان کے والدین ان کی شہادت پر اب بھی آنسو بہا رہے ہیں، حالاں کہ 20 برس بیت چکے ہیں۔لانس نائک کی والدہ نتھا اور والد غفار آنکھیں پرنم ہیں۔
تاہم ان کے والدین کو اس بات پر فخر ہے کہ ان کا بیٹا وطن کی خاطر شہید ہوگیا۔
لانس نائک 20برس قبل کرگل کی جنگ میں ٹائگر ہل کی چوٹی پر ایک ساتھ 17پاکستانی جوانوں کو ہلاک کرنے کا کریڈٹ اپنے نام لیا تھا۔
وہ ہردوئی کے پالی کے محلہ قاضی سرائے میں 6 مئی 1972 کو پیدا ہوئے۔ اور محض 27 برس کی عمر میں اپنے ہردل عزیز وطن بھارت کے لیے جام شہادت نوش فرمایا۔
عابد خان بچپن سے ہی بہادر تھے۔ ان کا خواب تھا کہ وہ فوج میں داخل ہوکر اپنے ملک کے لئے کچھ کر سکیں، ان کی یہ خواہش 5 فروری 1988 کو پوری ہوئی۔ ان کی آرمی میں تقرری ہوئی اور پھر اس ملک کے لئے شہید ہونے کا شرف حاصل ہے۔
سنہ 1995 میں انہوں نے ایک تصادم کے دوران متعدد عسکریت پسندوں کو بھی ہلاک کر اپنی چوکی پر واپس لوٹ آئے۔ اس کامیابی کے لیے انہیں سینا میڈل ایوارڈ سے نوازا گیا۔
اس کے محض چار برس بعد سنہ 1999 میں کرگل کی جنگ کی شروع ہوئی_
ان دنوں لانس نائک شہید عابد خان عیدالاضحیٰ کی چھٹیوں میں گھر آئے تھے، دریں اثنا آرمی ہیڈکوارٹر سے ان کا بلاوا آگیا۔ انہیں ٹائیگر ہل کو فتح کرنے بھیجا گیا 30 جون کو یہ فوجی دستہ روانہ ہوا۔ دشمن کی گولا باری کے بیچ کئ جوان شہید ہوگئے۔
ایک گولی عابد خان کے پیر میں بھی آ لگی لیکن وہ زندہ دلی سے آگے بڑھتے ہوئے 17 پاکستانی جوانوں کی لاشیں زمین پر گرا دیں۔
اس بیچ ایک اور گولی عابد کو آ لگی، اور ملک کی حفاظت کرتے کرتے ملک کا یہ جوان مادر وطن کے خاطر شہید ہوگیا ۔
عابدخان کی شہادت پر پالی اور پورے ہردوئی کو ناز ہے۔
جشن آزادی پر سب جشن مناتے ہیں لیکن عابد خان کی بیگم فردوس اور ان کا بیٹا عادل خاں اپنے والد کی یادوں میں کھوئے ہوئے ہیں۔
ای ٹی وی بھارت کے نمائندے سے گفتگو کرتے ہوئے ان کے بیٹے عادل خان نے انتظامیہ پر الزام لگایا کہ پولیس انتظامیہ نے کہا کہ یہاں شہید تو ہر روز فوجی ہوتے ہی رہتے ہیں۔
