اتر پردیش: کانپور شہر میں تشدد کے معاملے میں اتر پردیش حکومت نے ایک بار پھر سے متنازع بلڈوزر کارروائی شروع کردی ہے۔ اس دوران کانپور تشدد کے ملزم حیات ظفر ہاشمی کے رشتہ دار تاجر محمد اشتیاق کی عمارت کو بلڈوزر سے مسمار کر دیا گیا۔ انتظامیہ نے بتایا کہ یہ عمارت غیر قانونی طور پر تعمیر کی گئی تھی۔ Protest Against Nupur Sharma in Kanpur
عمارت گرانے کی کارروائی کے دوران پولیس فورس کے ساتھ کے ڈی اے، پولیس انتظامیہ کے افسران اور آر اے ایف کے اہلکار موجود تھے۔ کہا جا رہا ہے کہ یہ عمارت غیر قانونی طور پر بنائی گئی تھی اور اسے گرانے کا حکم پہلے ہی دے دیا گیا تھا۔ تاہم یہ بھی بتایا جا رہا ہے کہ گزشتہ دنوں ہونے والے تشدد میں حیات ظفر ہاشمی کے شامل ہونے کے الزام کے بعد انتظامیہ نے بدلے کی آگ کے طور پر یہ کارروائی کی۔ واضح رہے کہ بھارتیہ جنتا پارٹی کی اقتدار والی ریاستی حکومتوں نے اقلیتوں(مسلمانوں) کے خلاف کسی بھی معاملے میں قانونی کارروائی کے بجائے ان کے گھروں اور دیگر جائیدادوں پر بلڈوزر چلانے کی کارروائی کی روایت شروع کی ہے جو کافی تنازع کا شکار ہے۔ Protest Against Blasphemy
یہ بھی پڑھیں: دہلی جامع مسجد کے باہر احتجاجی مظاہرہ، ایف آئی آر درج
