شہر قاضی کانپور عالم رضا خان نوری اپنےایک وفد کے ساتھ ضلع مجسٹریٹ آفس کلیکٹریٹ پہنچے، جہاں انہوں نے ضلع مجسٹریٹ کی معرفت وزیر اعظم کے نام میمورنڈم سونپا۔
جس میں شہر قاضی نے وزیراعظم کو یہ یقین دلایا کہ چین کے خلاف بھارت کا مسلمان آپ کے ساتھ ہیں۔ ساتھ ہی چین کے بنے سامان کا بائیکاٹ کرنے کی مسلمانوں سے اپیل کرنے کا بھی یقین دلایا ہے۔
شہر قا ضی عالم رضا خان نوری نے صحافیوں سے بات کرتے ہوئے یہ بھی گزارش کی ہے کہ جن لوگوں نے چینی سامان پہلے سے خرید رکھا ہے، یا خرید چکے ہیں وہ لوگ اپنے سامان کو ضائع نہ کریں کیونکہ اس میں ان کا پیسہ لگا ہے۔
کانپور شہر میں بڑی تعداد میں چین کا سامان بازاروں میں بکتا ہے، جس سے بڑی تعداد میں لوگوں نے پہلے سے ہی سے خرید رکھا ہے، جب چینی سامان کے بائیکاٹ کرنے کی بات سامنے آئی تبھی شہر قاضی نے چینی سامان جو پہلے سے خریدے جا چکے ہیں یا استعمال میں ہیں اسے ضائع نہ کرنے کی ہدایت دے دی جس سے عوام کو اطمینان ہوگیا۔
