خواتین کی اصلاح کے لیے اصلاح معاشرہ کے عنوان سے کانپور میں ایک کانفرنس کا انعقاد عمل میں آیا جس میں کثیر تعداد میں خواتین اور مرد نے شرکت کی۔
اس موقع پر مراد آباد کے مفتی عبدالرحمن نے مجمع سے خطاب کرتے ہوئے کہا کہ اس وقت سب سے زیادہ ضرورت ہے کہ نوجوان لڑکے اور لڑکیاں جس طرح سے موبائل پر مشغول ہیں، والدین کو چاہیے کہ ان کی نقل و حرکت پر نگاہ رکھیں۔ برائی کا سب سے بڑا سبب موجودہ دور میں موبائل کا بیجا استعمال ہے۔
یہ بھی پڑھیں:الطاف معاملے میں قصوروار اہلکاروں کے خلاف قتل کا مقدمہ درج کرنے کا مطالبہ
والدین کو چاہیے اولادوں کی اصلاح کرنے میں سختی کے ساتھ اور باریک بینی سے اولاد کی تربیت کریں۔ بچوں کو شروعاتی دور سے ہی اسلام سکھائیں، اس پر شروع سے ہی پختگی سے عمل کرایں اور خود بھی عمل کریں تب کہیں ایک اچھے معاشرہ کی تشکیل ہو سکتی ہے۔
اسکول اور کالج میں پڑھنے والے مسلم لڑکے اور لڑکیاں غیر مسلم لڑکیوں اور لڑکوں سے قربت بڑھا رہے ہیں۔ اس قربت کے نتائج میں ناجائز رشتوں کے معاملے رونما ہو رہے ہیں۔ علمائے کرام اس بات کو لے کر بے حد فکر مند ہیں کہ مسلم نوجوان غیر مسلموں میں شادیاں کر رہے ہیں اور اسلام سے دور ہو رہے ہیں۔ انہیں کو روکنے کے لئے آج کانپور میں خواتین کے لیے اصلاح معاشرہ کانفرنس منعقد کی گئی تھی۔
