ضلع کانپور کے گنجان آبادی والے علاقے کرنل گنج میں بارش کے دوران بجلی کی مین وائر ٹوٹ گیا تھا جس سے پورے سڑک پر بجلی دوڑ گئی تھی۔
سڑک پر کھیل رہے چند بچے بجلی کا جھٹکا لگنے سے چیخنے چلانے لگے تھے لیکن کوئی سمجھ نہیں سکا تھا کہ آخر ہوکیا رہا ہے؟
اس دوران ایک گھوڑا نے بجلی کی زد میں آنے سے قبل ہی اپنے مالک کو دور گرادیا اور خود بجلی کی زد میں آتے ہی تڑپنے لگا اس وقت لوگوں کو یہ معلوم ہوا کہ سڑک پر کرنٹ پھیل گیا ہے۔
علاقے کے لوگوں نے فوری طور پر اس سڑک کی جانب جانے والے تمام راستوں کو بند کردیا اور محکمۂ بجلی کو آناً فاناً اطلاع دے کر بجلی سپلائی رکوائی گئی لیکن تب تک گھوڑے کی جان جاچکی تھی۔
عوام کی کثیر تعداد کو ہلاک شدہ گھوڑے کی لاش کے پاس جمع ہوتے دیکھ کر پولیس بھی مستعد ہوگئی اور اس علاقے میں بھاری تعداد میں پولیس کو تعینات کردیا گیا۔
ہلاک شدہ گھوڑے کی کو درجنوں افراد قبرستان لے گئے اور جہاں اسلامی طریقے سے گھوڑے کی آخری رسومات ادا کی گئی۔
اس تعلق سے سماجوادی پارٹی کے رکن اسمبلی عرفان سولنکی کا کہنا ہے اس سے قبل بھی ٹوٹے ہوئے بجلی کے تار کی زد میں آنے سے ایک شخص کی موت ہوئی تھی اور اب حادثے میں ایک گھوڑے کی جان چلی گئی اور اب وہ یہ اس مسئلے کو اسمبلی میں اٹھائیں گے۔
سٹی مجسٹریٹ نے گھوڑے مالک کو 50،00 روپئے معاوضہ دینے کا اعلان کیا ہے۔
