مظفر نگر: اترپردیش کے ضلع مظفر نگر کے چرتھاول تھانہ علاقے کے گاؤں پیپلی شاہ میں واقع سرکاری اسکول جونیئر ہائی اسکول پیپلی شاہ میں پورے اسکول میں ایک ہی ٹیچر ہے۔ ٹیچرز کی کمی کی وجہ سے بچوں کی تعلیم صحیح نہیں ہو پارہی ہے، جس سے بچوں کے مستقبل پر اس کا اثر پڑ رہا ہے۔ اسکول میں اساتذہ کے مطالبہ کو لے کر اسکول کے طلباء نے مظفر نگر ضلع کلیکٹریٹ پہنچ کر ضلع مجسٹریٹ سے ملاقات کی۔ Students Demand Appointment of Teachers
جونیئر ہائی اسکول کے طلبہ نے ٹیچرز کی تقرری کا مطالبہ کیا
بچوں نے کہا کہ پورے اسکول میں ان کے لیے ایک ہی استاد ہے جس کی وجہ سے ان کی تعلیم اچھی طرح نہیں ہو پا رہی ہے۔ جونیئر ہائی سکول میں نہ کے برابر تعلیم ہو رہی ہے۔ بچوں نے مطالبہ کیا کہ جونیئر ہائی سکول میں ٹیچرز کی تقرری کی جائے تاکہ وہ اچھی تعلیم حاصل کرسکیں اور ملک کا نام روشن کرسکیں۔
