کورونا وائرس کے خطرے سے بچنے کے لئے کئے گئے لاک ڈاؤن کے بعد تمام امدادی سامان ضرورت مند لوگوں کو بھجوایا جارہا ہے۔
اسی کے تحت بہرائچ کی ضلعی عدالت میں تعینات جج صاحبان کھانے پینے کی ضروری اشیاء لوگوں تک پہنچا رہے ہیں، غریب عوام کو راحت کا سامان مہیا کرنے والی ٹیم کی سربراہی ایڈیشنل ڈسٹرکٹ جج کرہے ہیں، جج صاحبان نے سینکڑوں خواتین ومردوں کے درمیان صابن، تیل، نمک، سبزی اور بریڈ وغیرہ جیسے کھانے کی اشیاء تقسیم کیں۔
ایڈیشنل ڈسٹرکٹ جج سریش چندر اور جینندر کمار پانڈے کی ہدایت پر کھانے پینے کی اشیاء کو ضرورت مندوں کو مسلسل فراہم کیا جارہا ہے۔
ڈسٹرکٹ جج نے بتایا کہ بہت سارے غریب اور مزدور پیشہ افراد ایسے ہیں جو اس لاک ڈاؤن میں کھانا پینے کی اشیاء کی عدم دستیابی سے پریشانیوں کا سامنا کررہے ہیں۔
ایسے افراد کو راحتی سامان کی فراہمی ہم سب کی ذمہ داری ہے، جج صاحبان نے راحتی اشیاء تقسیم کے دوران سوشل ڈسٹنسنگ بنائے رکھنے کی اپیل کرتے ہوئے کہا کہ اس خوفناک بیماری کا کوئی علاج نہیں ہے۔ ہر ایک کو لاک ڈاؤن کی پیروی کرنا چاہئے اور معاشرتی دوری کو برقرار رکھنا چاہئے تاکہ اس خوفناک بیماری کو ختم کیا جاسکے۔
