رامپور: راشٹریہ لوک دل کے قومی سربراہ جینت چودھری نے آج رامپور پہنچ کر اعظم خان کے اہل خانہ سے ملاقات کی۔ سماجوادی پارٹی سے ناراض چل رہے اعظم خاں کے اہل خانہ سے جینت چودھری کی اس ملاقات کے کئی سیاسی معنے نکالے جا رہے ہیں۔
اسمبلی انتخابات کے بعد راشٹریہ لوک دل کے قومی صدر جینت چودھری آج پہلی مرتبہ رامپور پہنچے تھے جہاں انہوں نے سب سے پہلے اعظم خاں کی رہائش گاہ پہنچ کر اعظم خاں کی اہلیہ ڈاکٹر تزئین فاطمہ اور بیٹے ممبر اسمبلی عبداللہ اعظم سے ملاقات کی اور حال چال جانا، تقریباً ایک گھنٹے تک چلی اس ملاقات کے کئی سیاسی معنے نکالے جارہے ہیں۔
اعظم خان کے اہل خانہ سے ملاقات کے بعد جینت چودھری نے میڈیا سے بات کرتے ہوئے یوگی حکومت کو اپنی سخت تنقید کا نشانہ بنایا۔ یوگی حکومت کے بلڈوزر سے متعلق جینت چودھری نے کہا کہ یہ غیر قانونی اور غیر آئینی عمل ہے۔ اس کی قانون میں کوئی گنجائش نہیں ہے۔ انہوں نے کہا کہ اگر کوئی مجرم ہے تو اس پر سسٹم کے ذریعے کارروائی ہونی چاہئے۔ Jayant Chaudhary criticizes UP government
جینت چودھری نے کہا کہ رامپور میں خصوصی طور سے جو لکھیم پور کھیری کے اہم گواہ تھے ہردیپ، ان کے ساتھ بدسلوکی، مارپیٹ ہوئی ہے میں ان سے اور ان کے اہل خانہ سے ملنے آیا ہوں۔ اور اعظم خاں کافی سینئر لیڈر ہیں، اس خاندان سے میرے خاندان کے تین پشتوں کا تعلق ہیں۔ Jayant Chaudhary criticizes UP government
مزید پڑھیں:
اعظم خاں کے حامیوں میں اکھلیش یادو کے خلاف ناراضگیوں پر جینت چودھری نے کہا کہ 'جمہوریت میں یہ سب ہوتا ہے۔ مختلف رائے ہوتی ہیں۔ ایک پارٹی میں مختلف خیالات ہوسکتے ہیں۔ انہوں نے کہا کہ میں اتنا ہی کہوں گا کہ میرے جذبات اس خاندان کے ساتھ ہے چودھری اجیت سنگھ جی اعظم خاں کی بہت عزت کرتے تھے۔
