ضلع بنارس کی ٹاٹا کیپیٹل فائننس نامی کمپنی کے رکن نے جونپور کے تاجررہنما صدام حسین کو لون دینے کی غرض سے 20 جنوری کو ان کے دکان پر آیا تھا۔
جہاں لون کی کاروائی مکمل کرنے کے لئے اس شخص نے تاجر رہنما سے چند ضروری کاغذات کا مطالبہ کیا اور ساتھ ہی ایک کینسل (منسوخ شدہ) چیک بھی مع دستخط کے طلب کیا ۔ جسے ہی انہوں نے اس شخص کو کینسل چیک اور دستاویز مہیا کرا دیا - اس کے بعد 21 جنوری کو منسوخ شدہ چیک کے ذریعے کھاتے سے جعلسازی کرکے اس شخص نے کھاتے سے 95 ہزار 500 روپے نکال لیا۔
میسج کے ذریعہ سے معلومات حاصل ہونے کے بعد تاجر نے بینک سے رابطہ کیا تو پوری حقیقت سامنے آئی۔
میڈیا سے بات کرتے ہوے 'ویاپار منڈل کلیان سمیتی' کے ریاستی نائب صدر صدام حسین نے بتایا کہ دو دن قبل ایک شخص کمپنی سے لون دینے کے تعلق سے آیا تھا جس پر انہوں نے ایک منسوخ شدہ چیک بھی دیا تھا۔
انہوں نے بتایا کہ منسوخ شدہ چیک سے کل ہمارے کھاتے سے 95 ہزار 500 روپیہ کا ٹرانزیکشن ہوا ہے۔
متاثرہ شخص نے بینک پر الزام عائد کرتے ہوئے کہا کہ یہ کام بینک کی ملی بھگت کی وجہ سے عمل میں آیا ہے۔
انہوں نے مزید کہا کہ وہ یہ چاہتے ہیں کہ پولیس ان کی مدد کرے اور ٹرانزکشن شدہ پیسے واپس دلوائے۔
اب کاروباری رہنما صدام حسین مدد و انصاف کی آس میں انتظامیہ و بینک کا چکر کاٹ رہے ہیں۔
وہیں اس خبر سے کاروباریوں میں کافی غم و غصہ کا ماحول ہے۔
