میرٹھ میں جشن بتول پروگرام کا انعقاد

میرٹھ میں جشن بتول کے عنوان پر منعقد پروگرام میں لوگوں نے وسیم رضوی کے خلاف سخت ناراضگی کا اظہار کیا۔ اس دوران شیعہ کمیونٹی کے لوگوں نے وسیم رضوی کے خلاف سبھی تعلقات ختم کرنے کا اعلان بھی کیا۔

اترپردیش کے ضلع میرٹھ میں جشن بتول کے عنوان پر ایک پروگرام کا انعقاد کیا گیا جس میں شیعہ وقف بورڈ کے سابق چیئر مین وسیم رضوی کے خلاف لوگوں میں سخت ناراضگی دیکھی گئی۔

اطلاعات کے مطابق گزشتہ دنوں وسیم رضوی کی جانب سے سپریم کورٹ میں ایک عرضی داخل کی گئی تھی جس میں مسلمانوں کی مقدس کتاب قرآن کریم سے 26 آیات کو ہٹانے کا مطالبہ کیا گیا تھا اس کے پیش نظر مسلمانوں کے تمام فرقہ میں وسیم رضوی کے خلاف ناراضگی دیکھی جارہی ہے اس دوران میرٹھ میں بھی جشن بتول پروگرام میں وسیم رضوی کے خلاف شدید ناراضگی کا اظہار کیا گیا۔

وہیں اہل شیہ کے جانب سے وسیم رضوی کو مذہب اسلام سے خارج قرار دیتے ہوئے سبھی تعلقات ختم کرنے کا اعلان کیا گیا ہے ساتھ ہی یہ بھی کہا گیا ہے وسیم رضوی کو مرنے کے بعد اس کے جنازے میں کوئی شرکت نہیں کریگا اور نہ ہی اس کی تدفین کے لئے شیعہ قبرستان میں جگہ دی جائے گی۔