وارانسی: وزیر اعظم نریندر مودی جمعہ کو وارانسی پہنچے۔ جہاں ان کا وزیر اعلی یوگی آدتیہ ناتھ اور گورنر آنندی بین پٹیل نے استقبال کیا۔ یہاں وزیر اعظم نے تقریباً 1780 کروڑ روپے کے 28 پروجیکٹوں کا تحفہ دیا۔ وزیر اعظم نے رودرکش کنونشن سنٹر میں ون ورلڈ ٹی بی سمٹ سے خطاب کیا۔ انہوں نے کہا کہ کاشی ہزاروں سالوں سے انسانیت کی کوششوں اور محنت کا گواہ ہے۔ چیلنج کتنا ہی بڑا کیوں نہ ہو، جب سب کی کوشش ہوتی ہے تو ایک نیا راستہ بھی سامنے آتا ہے۔ مجھے یقین ہے کہ کاشی ٹی بی جیسی بیماری کے خلاف عالمی کوشش کو ایک نئی توانائی دے گا۔ وزیر اعظم نریندر مودی نے کہا کہ آج بھارت میں ٹی بی کے مریضوں کی تعداد کم ہو رہی ہے۔ کرناٹک اور جموں و کشمیر کو ٹی بی فری ایوارڈ سے نوازا گیا ہے۔ میں ان لوگوں کو مبارکباد دیتا ہوں جنہوں نے یہ کامیابی حاصل کی ہے۔
وزیر اعظم نے کہا کہ ایک ملک کے طور پر بھارت کا نظریہ وسودھیو کٹمبکم کا رہا ہے۔ یعنی پوری دنیا ایک خاندان ہے۔ یہ خیال جدید دنیا کو ایک مشترکہ وژن اور مربوط حل دے رہا ہے۔ G20 کا تھیم بھی ایک دنیا ایک خاندان ایک مستقبل رکھا گیا ہے۔ قبل ازیں، وزیر اعظم نے بٹن دبا کر ’ون ورلڈ ٹی بی سمٹ‘ کا آغاز کیا۔ وزیر اعظم نریندر مودی نے مختلف سرکاری اسکیموں کے استفادہ کنندگان اور دیگر سے بھی بات چیت کی۔ وزیر اعظم نریندر مودی نے کہا کہ ٹی بی کا کوئی مریض علاج سے محروم نہیں رہنا چاہیے، اس کے لیے ہم نے نئی حکمت عملی پر کام کیا۔ ٹی بی کے مریضوں کی اسکریننگ اور اس کے علاج کے لیے ہم نے انھیں آیوشمان بھارت اسکیم سے جوڑ دیا ہے۔ اس کے علاوہ ٹی بی کی بیماری کی مفت ٹیسٹنگ کے لیے ملک بھر میں لیب کی تعداد میں اضافہ کیا ہے۔
وزیر اعظم نریندر مودی نے کہا کہ بھارت اب سال 2025 تک ٹی بی کو ختم کرنے کے ہدف پر کام کر رہا ہے۔ ٹی بی کے خلاف جنگ میں، بھارت نے جو عظیم کام کیا ہے وہ عوام کی شرکت ہے۔ ہم نے ایک نئی حکمت عملی پر کام کیا تاکہ یہ یقینی بنایا جا سکے کہ کوئی بھی ٹی بی کا مریض علاج سے محروم نہ رہے۔ وزیر اعظم نریندر مودی نے کہا کہ ہندوستان اب سال 2025 تک ٹی بی کو ختم کرنے کے ہدف پر کام کر رہا ہے۔ ٹی بی کو ختم کرنے کا عالمی ہدف 2030 ہے، لیکن 2025 تک ٹی بی کو ختم کرنے کے ہدف پر کام کر رہا ہے۔
یہ بھی پڑھیں : World Tuberculosis Day تَپِ دِق کا عالمی دن، ممبئی میں پانچ سال میں ٹی بی سے گیارہ ہزار سے زائد اموات
