علیگڑھ: جامعہ اردو علیگڑھ دن بدن ترقی کی راہ پر گامزن ہے۔ بھارت کی تقریباً 80 یونیورسٹی، بورڈ اور اداروں نے جامعہ اردو علیگڑھ کے امتحانات کو تسلیم شدہ مانا ہے۔ حال ہی میں جواہر لعل نہرو یونیورسٹی (JNU) کے بعد مولانا آزاد اردو یونیورسٹی (MANUU) نے بھی جامعہ اردو علیگڑھ کے امتحانات کو تسلیم کیا۔ یعنی اب جامعہ اردو سے تعلیم حاصل کرنے والے طلبہ و طالبات اعلی تعلیم حاصل کرنے کے لئے MANUU اور JNU یونیورسٹی میں بھی داخلہ لے سکتے ہیں جو یقینا جامعہ اردو سے تعلیم حاصل کرنے والے طلبہ و طالبات کے لئے ایک خوشی کی خبر ہے۔Jamia Urdu Aligarh Get Affiliation From MANUU
جامعہ اردو علیگڑھ سے ہر سال تقریباً آٹھ ہزار طلبا و طالبات تعلیم حاصل کرتے ہیں جو اب بھارت کی تقریباً 80 تعلیمی اداروں سے اعلی تعلیم حاصل کرسکتے ہیں۔ جامعہ اردو علیگڑھ کے کنٹرولر رضوان علی خان بتایا جامعہ اردو ایک تعلیمی ادارہ ہے جس کا قیام 1939 میں عمل میں آیا اور 1978 میں بھارت نے اس ادارے کو تسلیم کیا۔ آج کی تاریخ میں ملک کی تقریباً 80 یونیورسٹیز جامعہ اردو علی گڑھ کو تسلیم کرتی ہیں۔ یعنی ہمارے طلبا و طالبات کو اپنے اداروں میں اعلی تعلیم حاصل کرنے کے لیے داخلہ دیتی ہیں۔
حال ہی میں JNU کے بعد MANUU یونیورسٹی نے بھی ہمارے بچوں کو داخلے کے لئے اجازت دی ہے، جس سے ہمارے یہاں تعلیم حاصل کرنے والی غریب طلبہ اور اعلی تعلیم کے خواہش مند طلبہ با آسانی اعلی تعلیم حاصل کرسکتے ہیں۔ رضوان علی نے مزید بتایا کہ 'ہمارے یہاں ادیب، ماہر، ادیب کامل اور معلم کورس کرائے جاتے ہیں، ساتھ ہی جامعہ اسکول اور کالج بھی چلایا جا رہا ہے، جس میں خاصی تعداد طلبہ و طالبات کی تعلیم حاصل کرتی ہے۔
