لاک ڈاؤن میں شراب کی دکان کھولنا صحیح نہیں

مہلک وباء کورونا وائرس کے سبب ملک میں لاک ڈاؤن ہے، ایسے میں تمام طرح کے کاروبار ودوکانیں بند ہیں، مگر ایسے وقت میں حکومت نے شراب کی دکانیں کھولنے کی اجازت دے دی ہے، جس پر بہت سی پارٹیوں کے لیڈران نے اپنا اعتراض ظاہر کیا ہے، اور شراب کی خرید وفروخت پر پابندی عائد کرنے کا مطالبہ کیا ہے۔

اسی کڑی میں آج سماج وادی پرگتی سیل لوہیا پارٹی کے ضلع صدر محمد وسیم نے اترپردیش کے وزیر اعلیٰ یوگی آدتیہ ناتھ کو ایک خط بھیج کر مطالبہ کیا ہے کہ جب پوری دنیا کورونا جیسی مہلک بیماری کی چپیٹ میں ہے اور عوام خطرے کی کگار پر ہے۔

لوگوں کے پاس دو وقت کی روٹی کے لئے پیسے نہیں ہیں ایسی پریشانی کے وقت حکومت کی جانب سے کۓ گئے لاک ڈاؤن پر مکمل عمل پیرا ہوتے ہوئے معاشرتی فاصلے کا بھی خیال رکھ رہے ہیں۔

مگر حکومت کی طرف سے شراب کی دکانیں وکارخانے کھولا جانا بالکل غلط ہے، اس پر سماج وادی پرگتی سیل لوہیا اپنا سخت اعتراض درج کراتے ہوئے اپنی ناراضگی ظاہر کرتی ہے، ہمارا حکومت سے مطالبہ ہے کہ شراب کی دکانیں وکارخانے بند کئے جائیں جس سے کورونا جیسی وباء سے جنگ میں کامیابی حاصل کی جاسکے۔