اعلی حضرت حج ہاؤس میں 400 بیڈ پر مشتمل آئی سولیشن وارڈ تیار

غازی آباد ضلع انتظامیہ اور محکمہ صحت نے کسی بھی ہنگامی صورتحال میں کورونا وائرس سے نمٹنے کے لیے اپنی حکمت عملی تیار کرلی ہے۔

ضلع انتظامیہ اور محکمہ صحت اعلی حضرت حج ہاؤس میں 400 بیڈ پر مشتمل آئی سولیشن وارڈ تیار کررہے ہیں۔

بیرون ممالک سے آنے والے لوگوں کو اس وارڈ میں جانچ کی جائے گی، وارڈ علاج کے تمام وسائل سے لیس ہوگا، اگر کورونا وائرس کا کوئی کیس یہاں مثبت پایا جاتاہے تواسے دہلی ریفر کیا جائے گا۔

غازی آباد کے چیف میڈیکل آفیسر این کے گپتا، ایڈیشنل ڈسٹرکٹ مجسٹریٹ نگر شیلندر کمار سنگھ اور اقلیتی بہبود افسر ڈاکٹر امرتا سنگھ سمیت متعدد عہدیداروں نے اعلی حضرت حج ہاؤس کا دورہ کرتے ہوئے تمام تیاریوں کا جائزہ لیا۔