ریاست اتر پردیش کے بارہ بنکی ضلع کے اچھا گاؤں (کرند) میں واقع مدرسہ عثمانیہ Madrasa Usmania میں جمعرات کو پہلا فرزانہ بیگم اسلامک کوئیز اور قرأت مقابلے کا انعقاد کیا گیا۔
بارہ بنکی میں اسلامک کوئیز اور قرات مقابلہ منعقد
دونوں مقابلوں میں 5 مدارس کے 25 طلباء نے شرکت کی. جس کی وجہ سے دونوں مقابلوں کا کامیاب انعقاد ہوا. ان دونوں مقابلوں میں شرکت کرنے والے تمام دیگر طلباء کا اعزاز بھی کیا گیا۔
دونوں مقابلوں کے اول تین فاتح طلباء کو خاص انعام، سند، یادگاری نشان اور نقد انعام سے نوازا گیا، اس کے علاوہ مقابلوں میں حصہ لینے والے دیگر 19 طلبہ کو بھی اعزاز سے نوازا گیا۔ مقابلہ میں شرکت کرنے آئے تمام اساتذہ اور دانشوران پروگرام کی ستائش کی اور کہا کہ اس سے طلباء کے علم میں تو اضافہ ہوگا ہی ساتھ ہی انہیں کچھ بہتر کرنے پر حوصلہ افزائی ہوگی۔
