ریاست اترپردیش کے ضلع آگرہ انتظامیہ نے این آر سی اور سی اے اے کی مخالفت کی وجہ سے ایک بار پھر انٹرنیٹ کو بند رکھنے کا حکم دیا ہے۔
ضلع انتظامیہ کے حکم نامے میں واضح طور پر لکھا گیا ہے کہ آگرہ میں 26 دسمبرصبح آٹھ بجے 27 دسمبر شام 6 بجے تک انٹرنیٹ خدمات بند رہے گی۔ اس ضمن میں ضلع انتظامیہ نے تمام موبائل کمپنیوں کو حکم دیا ہے کہ وہ لینڈ لائن کو بھی بند رکھیں۔
این آر سی اور سی اے اے کی مخالفت کی وجہ سے پورے ملک میں ماحول گرم ہے۔ ضلع انتظامیہ امن و امان برقرار رکھنے کے لیے مخلوط آبادی والے علاقوں میں چوکنا ہے۔
منٹولا تھانہ علاقے کی پولیس چوکی سبھاش بازار کے ایس آئی سنیل کمار نے ایک رپورٹ تیار کی ہے۔ جس میں بتایا گیا ہے کہ جمعہ کے روز آگرہ کا ماحول خراب کرنے باہر سے کچھ سرپسند عناصرآئے ہوئے ہیں۔
ضلع انتظامیہ نے کچھ شناخت شدہ افراد کو ہدایت دی ہے کہ اگر وہ ماحول خراب کرتے ہیں تو ان کے خلاف سخت کارروائی کی جائے گی۔
