اتر پردیش کے وزیر اعلی یوگی آدتیہ ناتھ نے رکشا بندھن کے موقع پر خواتین کو ریاستی ٹرانسپورٹ کارپوریشن کی بسوں میں مفت سفر کرنے کی ہدایت دی ہے اور کہا ہے کہ 'مشن شکتی' کو امرت مہوتسو اور اگست کرانتی سے بھی جوڑا جانا چاہیے۔'
مشن شکتی فیز -3 مہم کے تحت شامل محکموں کے مجوزہ پروگراموں کا ایکشن پلان آج وزیراعلی کے سامنے پیش کیا گیا۔ خیال رہے مشن شکتی کا فیز تھری - 21 اگست سے دسمبر تک چلے گا۔
اس موقع پر وزیر اعلیٰ نے کہا کہ 'خواتین اور لڑکیوں کی عزت اور حفاظت کے لیے چلائی جانے والی خواتین کی ہیلپ لائن '1090کو دیہی علاقوں میں بھی وسیع پیمانے پر عام کیا جانا چاہیے۔'
یہ بھی پڑھیں: 'تعمیراتی کاموں کو وقت پرمکمل کرائیں'
اس کے علاوہ 181 اور 112 جیسی دیگر ہیلپ لائنوں کو بھی دیہی علاقوں میں وسیع پیمانہ پر تشہیر دی جانی چاہیے۔ تمام اہم ٹیلی فون نمبروں کو گرام پنچایت سیکریٹریٹ، پنچایت بھون، پولیس چوکیوں، تھانہ وغیرہ میں نشانزد کیا جانا چاہیے تاکہ خواتین اور لڑکیاں اس کے بارے میں معلومات حاصل کرسکیں اور ضرورت کے مطابق ان کا استعمال کر سکیں۔'
(یو این آئی)
