گریٹر نوئیڈا میں دستکاری میلہ آغاز Handicraft Festival kicks off in Greater Noida ہو گیا، اس میلے کا افتتاح ٹیکسٹائل کی مرکزی وزیر مملکت درشنا وکرم جاردوش نے کیا۔ ٹیکسٹائل کی مرکزی وزیر مملکت درشنا وکرم جاردوش نے تاجروں کو حکومت کی طرف سے ہر ممکن مدد کا یقین دلایا۔ اس دوران انہوں نے پویلین میں موجود نمائش کنندگان سے بات چیت کی۔ میلے میں 2500 نمائش کنندگان نے اپنے اسٹالز اور پویلینز کے ذریعے دستکاری کی مصنوعات ڈسپلے کی ہیں۔ نمائش کنندگان پر امید ہیں کہ یہ نمائش ان کے لئے سازگار ماحول پیدا کرے گی۔ نمائش میں گھریلو سامان، ہوم فرنیشنگ، فرنیچر، تحائف، آرائشی اشیاء، لیمپ اور لائٹنگ، کرسمس اور تہوار کی سجاوٹ، فیشن جیولری، ایسیسریز، سپا اور ویلنیس، باتھ روم کے ایسیسریز، گارڈن ایسیریز، تعلیمی کھلونے سمیت تیار کردہ کاغذ کی مصنوعات کی 14 کیٹیگریز کا احاطہ کیا گیا ہے۔ سٹیشنری اور چمڑے کے تھیلے وغیرہ آویزاں کیے گئے ہیں۔
یونین ٹیکسٹائل سکریٹری یو پی سنگھ نے پہلے دن دستکاری نمائش کا دورہ کیا۔ اس دوران وہ اسٹال پر گئے اور نمائش کنندگان سے بات چیت کی۔ انہوں نے پہلی بار سٹال لگانے والے سٹارٹ اپس اور لداخ کے اسٹالز لگانے والے کاریگروں سے ملاقات کے بعد ان کے مسائل بھی سن کر انہیں آگے بڑھنے کی ترغیب دی۔ ای پی سی ایچ نے ایکسپو بازار ای کامرس پلیٹ فارم لانچ کیا ہے۔ ایکسپو بازار ایک ای کامرس اور ٹیکنالوجی سپلائی چین پلیٹ فارم ہے جو بھارت کے ورثے کے فن اور دستکاروں کو عالمی منڈیوں سے جوڑتا ہے۔
ڈاکٹر راکیش کمار، ڈائریکٹر جنرل، ای پی سی ایچ نے بتایا کہ ایکسپو بازار بھارتی فروخت کنندگان کے لیے شروع کیا گیا ہے تاکہ وہ اپنی مصنوعات کو بین الاقوامی اور گھریلو بازاروں میں نمائش کے لیے پیش کر سکیں۔ یہ واحد راستہ ہے جس سے دنیا دور دراز کے دیہی علاقوں اور قصبوں میں رہنے والے بھارتی دستکاریوں اور روایات سے جڑ سکتی ہے اور ہمارے 5000 سال کے ورثے کی تعریف کر سکتی ہے.
یہ بھی پڑھیں: جے کے ہینڈی کرافٹ اور ہینڈلوم محکمہ ایوارڈ سے سرفراز
