انڈین مسلم لیگ پارٹی کے قومی نائب سیکریٹری کوثر حیات نے میڈیا سے بات چیت کرتے ہوئے بتایا کہ اترپردیش کے ضلع ہاتھرس میں پیش آئے جنسی زیادتی و قتل کیس کے واقعے سے ملک کی شبیہ پر کافی برا اثر پڑا ہے۔
ہاتھرس کیس میں اعلی تحقیقات کا مطالبہ کیا
ضلع انتظامیہ اور پولیس پر الزام لگاتے ہوئے کوثر حیات نے کہا کہ متاثرہ کے اہلخانہ کے ساتھ بد سلوکی کی جارہی ہے اور ملزموں کے ساتھ ہمدردی کا رویہ اپنایا جارہا ہے، یہی وجہ ہے کہ پارٹی کی جانب سے مقتول لڑکی کے اہلخانہ کو انصاف دلانے اور قصورواروں کو سخت سے سخت سزا دینے کا مطالبہ کیا جارہا ہے۔
