ریاست اتر پردیش کے بارہ بنکی ضلع کے پولیس سپرنٹنڈنٹ ڈاکٹر اروند چترویدی نے پولیس کلب میں ڈائیننگ ہال ترپتی کا افتتاح کیا۔
دراصل بارہ بنکی میں پولیس کلب کی تعمیر 1934 میں کی گئی تھی لیکن دیکھ بھال نہ ہونے کی وجہ سے پولیس کلب کی عمارت خستہ ہوچکی تھی۔ تقریبا ایک برس قبل تک یہ عمارت بدحال تھی لیکن بارہ بنکی کے پولیس سپرنٹنڈنٹ ڈاکٹر اروند چترویدی نے عمارت کی حالت کو دیکھتے ہوئے پولیس اہلکاروں کی پریشانی کو سمجھا۔ انہوں نے اپنی کوششوں سے پولیس کلب کی تعمیر نو کرائی۔
اس کے بعد پولیس سپرنٹنڈنٹ ڈاکٹر اروند چترویدی نے یہاں ڈائیننگ ہال ترپتی کی تعمیر کرائی۔ ترپتی کی افتتاحیہ تقریب بھی پولیس سپرنٹنڈنٹ نے بلکل الگ انداز میں منعقد کرائی۔
انہوں نے اس کے لئے ضلع میں پولیس محکمے کی خدمات کر چکے سبکدوش اہلکاروں کو مدعو کیا۔ سبکدوش اہلکاروں نے یہاں اپنی یادیں تازہ کیں۔
واضح رہے کہ افتتاحی پروگرام کے دوران یہ تمام سبکدوش اہلکار کافی خوش نظر آئے اور انہوں نے پولیس سپرنٹنڈنٹ کے اس کام کے لیے شکریہ ادا کیا۔
