اتر پردیش کے وزیر اعلی یوگی آدتیہ ناتھ ضلع مرادآباد پولیس لائن پہنچے اور پردھان منتری آواس یوجنا تقریب میں شرکت کی۔
اس موقع پر مرادآباد ڈیولپمنٹ اتھارٹی کے ذریعہ 67.2 کروڑ کی لاگت سے تعمیر ایک ہزار آٹھ مکانوں کا افتتاح کر ضرورت مندوں کو مکانوں کی چابی دی گئی۔
وہیں اس موقع پر منعقد پروگرام میں جلسۂ عام کو خطاب کرتے ہوئے وزیراعلی نے کہا کہ 'صوبائی حکومت غریبوں کی مدد کے لیے کام کر رہی ہے۔ بھارتیہ جنتا پارٹی 'سب کا ساتھ سب کا وکاس سب کا وشواس' کے ساتھ کام کر رہی ہے۔'
انہوں نے کہا کہ 'ریاستی حکومت نے کورونا وائرس وبا کو ختم کرنے میں کامیابی حاصل کی۔ اپوزیشن پر تنقید کرتے ہوئے کہا کہ 'جو لوگ سماج کو بانٹنے کا منصوبہ بنا رہے ہیں ان کے منصوبوں کو کامیاب نہیں ہو نے دیا جائے گا۔'
یہ بھی پڑھیں: مرادآباد: کانووکیشن پریڈ کی تقریب میں وزیر اعلی یوگی مہمان خصوصی
مرادآباد میں پیتل کا کاروبار ہوتا ہے اور اس کاروبار میں مرادآباد پیتل ایکسپورٹ ہب بنانے کا کام ہماری حکومت نے کیا ہے۔
