ریاست اترپردیش کے شہر نوئیڈا کے سیکٹر 76 میں موٹر سائیکل سوار بدمعاش خاتون کے گلے سے سونے کا منگل سوتر چھین کر فرار ہو گئے۔ واقعہ کے وقت متاثرہ اپنے گھر کے قریب ٹہل رہی تھیں۔ اس سلسلے میں خاتون نے تھانہ سیکٹر 113 میں نامعلوم افراد کے خلاف مقدمہ درج کرایا ہے۔ Woman's Mangalsutra Snatched While Walking in Noida
متاثرہ کا نام اپرنا شرما ہے۔ انہوں نے کہا کہ وہ نوئیڈا کے سیکٹر 76 میں واقع جے ایم آرکڈ سوسائٹی میں رہتی ہے۔ وہ سیکٹر میں چہل قدمی کر رہی تھیں۔ اسی دوران پیچھے سے ایک بائک سوار بدمعاش ان کے قریب آیا، موٹر سائیکل کی رفتار کم کی اور ان کے گلے سے سونے کا منگل سوتر چھین کر فرار ہوگیا۔
خاتون کے مطابق انہوں نے ملزم کو پکڑنے کے لیے شور بھی مچایا لیکن بدمعاش اندھیرے کا فائدہ اٹھا کر فرار ہونے میں کامیاب ہوگیا۔ جس کے بعد واقعہ کی اطلاع پولیس کو دی گئی۔
مزید پڑھیں:اندور:گلے سے چین چھین کر فرار ہوئے بدمعاش
پولیس نے موقع پر پہنچ کر آس پاس نصب سی سی ٹی وی کیمروں کی فوٹیج چیک کی۔ خاتون کا کہنا ہے کہ ملزم نے کالی جیکٹ اور سفید ہیلمٹ پہن رکھا تھا۔ پولیس نے متاثرہ کی شکایت پر ملزمین کے خلاف لوٹ کا کیس درج کر کے تفتیش شروع کر دی ہے۔
