کانپور کے چمن گنج علاقہ میں رہنے والے محمد سلیمان جو انڈین نیشنل لیگ کے قومی صدر ہیں، کو ہاؤس اریسٹ کیا گیا ہے تاکہ وہ کسی طرح کی سرگرمی میں حصہ نہ لے سکیں۔
کانپور میں بڑی تعداد میں بازار بند ہیں۔کانپور کے مسلم اور دلت علاقوں میں سبھی طرح کے چھوٹے بڑے بازار، ہول سیل اور ریٹیل بازار بند ہیں۔
بھارت مکتی مورچہ کے بند کے اعلان کی آواز پر لوگوں نے اپنے کاروباری مراکز کو بند رکھا ہے۔
وہیں دوسری طرف اس بازار بند کا اثر سیاسی طور پر بھی سرکار پر نمایاں طور پر نظر آرہا ہے۔
آج محمد علی پارک میں دھرنا شروع ہوتے ہی انڈین یونین لیگ کے قومی صدر محمد سلیمان کو ہاؤس اریسٹ کر لیا گیا۔
محمد سلیمان کا کہنا ہے کہ 'وہ اس پر قانونی کارروائی کریں گے۔'
انڈین یونین لیگ کے قومی صدر محمد سلیمان نظربند ضرور کر دیے گئے لیکن ان کا موبائل چل رہا ہے اور وہ اس پر برابر لوگوں سے رابطہ کر رہے ہیں نیز اپنے وکلاءسے بھی رائے لے رہے ہیں۔
