ڈاکٹروں کی ہڑتال کی وجہ سے ایمرجنسی خدمات اور کووڈ میڈیکل خدمات کو چھوڑ کر سبھی طرح کی او پی ڈی آج بند رہی۔ آئی ایم اے کی قیادت میں ملک بھر کے ڈاکٹر آیورویدک ڈاکٹروں کو سرجری کرنے کی اجازت دئے جانے کے فیصلہ کے خلاف احتجاج کر رہے ہیں۔
میرٹھ میں بھی آج انڈین میڈیکل ایسوسی ایشن سے جڑے ڈاکٹروں نے مرکزی حکومت کے فیصلے کے خلاف ڈی ایم آفس پر اپنا احتجاج درج کراتے ہوئے ڈی ایم کے ذریعہ حکومت کو اپنا میمورنڈم پیش کیا اور مکسو پیتھی کے اس فیصلے کو واپس لینے کا مطالبہ کیا ہے۔
مرکزی حکومت کے فیصلے سے ناراض آئی ایم اے کی ہڑتال کے اعلان پر جہاں ڈاکٹروں نے 12 گھنٹے اپنی طبّی خدمات كو بند رکھا وہیں آیوش ڈاکٹروں کو سرجری کی اجازت دیے جانے کے خلاف اپنی ناراضگی بھی ظاہر کی۔اس کے باوجود ایمرجنسی اور کووڈ میڈیکل خدمات كو جاری رکھا۔اب دیکھنا ہے کہ حکومت ای ایم اے کی ناراضگی كو کس حد تک کم کر پاتی ہے
