سماجوادی پارٹی جانب سے ایم ایل سی امیدوار بنائے جانے کے بعد ڈاکٹر کفیل خان ای ٹی وی بھارت گفتگو میں بتایا کہ میری زندگی میں یہ سیاسی سفر کا آغاز ہے اور امید ہے کہ عوام کی بہتر خدمت کر سکوں گا۔Upcoming Uttar Pradesh Legislative Council Elections ڈاکٹری میرا پیشہ ہے اور ہمیشہ اپنا فرض سمجھ کر عوام کی خدمت کی ہے اور آئندہ بھی کرتا رہوں گا۔
ڈاکٹر کفیل خان نے کہا کہ '2017 میں گورکھپور کے بی آر ڈی میڈیکل کالج سانحہ پر ایک کتاب لکھی ہے اور اسی کتاب کو دینے کے لیے گزشتہ روز سماج وادی پارٹی کے سربراہ اکھلیش یادو سے ملاقات کرنے گیا تھا جس کے بعد اکھلیش یادو سے تفصیلی گفتگو ہوئی۔
ڈاکٹر کفیل خان نے بتایا کہ دوران گفتگو اکھلیش یادو نے پوچھا کہ آپ کی کیسے مدد کر سکتا ہوں اس پر میں نے کہا کہ میں سرحدی علاقہ میں رہتا ہوں اور میری خواہش ہے کہ وہاں ایک ہاسپٹل تعمیر ہو تاکہ غریب اور بے سہارا لوگوں کو سستا اور بہتر علاج مل سکے۔ اس کے علاوہ اپنا دیگر منصوبہ بتایا جس کے بعد اکھلیش یادو نے کہا کہ اگر آپ سیاسی طور پر مضبوط ہو کر عوام کے درمیان جائیں گے تو عوام کی بہتر خدمت کر سکتے ہیں میری خواہش ہے کہ آپ ایم ایل سی کے انتخابات میں حصہ لیں۔
کفیل خان نے کہا کہ میری زندگی میں یہ سیاسی سفر کا آغاز ہے اور امید ہے کہ عوام کی بہتر خدمت کر سکوں گا۔ ڈاکٹری میرا پیشہ ہے اور ہمیشہ اپنا فرض سمجھ کر عوام کی خدمت کی ہے اور آئندہ بھی کرتا رہوں گا۔
ایک سوال کے جواب میں کفیل خان نے کہا کہ کانگریس پارٹی، خاص طور سے پرینکا گاندھی کا میں زندگی بھر احسان مند رہوں گا جنہوں نے میرے جیل میں رہنے کے دوران انمول تعاون کرتے ہوئے میرے لیے حفاظتی بندبست کیا اور مجھے جے پور میں گھر دیا اور آج بھی میری فیملی وہیں رہتی ہے۔
انہوں نے کہا کہ اسمبلی انتخابات سے قبل ضرور یہ قیاس آرائیاں اور افواہوں کا بازار گرم تھا کہ ڈاکٹر کفیل کانگریس سےامیدوار ہو سکتے ہیں لیکن یہ محض افواہ تھی جب بھی میری پرینکا گاندھی سے ملاقات ہوئی یا بات چیت ہوئی تو غیر سیاسی موضوعات پر ہوئی سیاسی موضوعات پر کبھی بات چیت نہیں ہوئی۔
ڈاکٹر کفیل خان نے مزید کہا کہ گورکھپور کے بی آر ڈی میڈیکل کالج میں آکسیجن کی قلت کے سبت کئی بچوں کی موت ہوئی تھی اس لڑائی کو پوری مضبوطی کے ساتھ لڑتا رہوں گا میری ملازمت کے معطلی کا معاملہ الہ اباد ہائی کورٹ کے لکھنؤ بنچ میں زیر سماعت ہے پہلی سماعت فروری ماہ میں ہوئی تھی اس کے بعد اب امید ہے کی جلد ہی دوسری سماعت ہوگی اور کامیابی ملے گی۔
