کھانا سانڈی علاقے کے کھڑکیاں محلے سے پولیس نے تقریبا ساڑھے چھ سو گرام سونے کے زیورات چار کلو 531 گرام چاندی کے زیورات اور پیتل کا ایک لوٹا برآمد کیا ہے۔جس کی قیمت 25 لاکھ روپے بتائی جارہی ہے۔
ایس پی الوک پریدعرشی نے بتایا کہ گذشتہ دنوں سانڈی علاقے کے کھڑکیاں محلے میں اتکرش کے مکان کی تعمیر کی جارہی ہے جہاں کھدائی کے دوران زمین کے اندر سے خزانہ ملا ہے۔
اس معاملے کی اطلاع موصول ہونے کے بعد پولیس جانچ میں مصروف ہوگئی تھی۔ اسی دوران پولیس ٹیم نے 650 گرام سونے کے زیورات چار کلو 531 گرام چاندی کے زیورات اور پیتل کا ایک لوٹا برآمد کیا ہے جس کا وزن تقریبا تین کلو ہے۔
حالانکہ پہلے پولیس کسی بھی طرح کے کوئی بھی خزانے ملنے کی بات سے پوری طرح انکار کر رہی تھی، جس مکان میں تعمیری کام چل رہا تھا اس کا مالک مونو بھی زیورات ملنے کی بات سے انکار کر رہا تھا، لیکن اس بات کی اطلاع جب اعلی افسران کو ہوئی تو انہوں نے پولیس کی ایک خفیہ ٹیم لگا کر معاملے کی تفتیش شروع کی۔
سب سے پہلے مونو کہ خاندان والوں سے سختی کے ساتھ پوچھ گچھ کی گئی جس میں خزانہ ملنے کی بات سچ ثابت ہوئی، جس کے بعد پولیس نے سختی کرتے ہوئے مونو سے پوری بات قبول کرائی۔
