اترپردیش کے شہر بنارس کے معروف عالم دین مفتی ہارون رشید نقشبندی نے اس سلسلے میں بتایا کہ رمضان المبارک حدیث پاک کی روشنی میں بلاشبہ رحمتوں بھرا مہینہ ہے اس میں جتنی بھی عبادات کی جائے کم ہے۔
اللہ کے رسول نے ارشاد فرمایا رمضان المبارک کا پہلا عشرہ رحمت کا ہے دوسرا عشرہ مغفرت کا ہے اور تیسرا جہنم سے آزادی کا ہے۔
انہوں نے کہا کہ مغفرت کے عشرہ میں زیادہ سے زیادہ اپنے گناہوں سے توبہ و استغفار کرنا ہے اور اللہ سے اپنے گناہوں سے توبہ کرنا چاہیے۔
انہوں نے بتایا کہ بندوں کو اپنے گناہوں کے بارے میں زیادہ بہتر معلوم ہوتا ہے اس لیے عشرے مغفرت میں چاہیے کی زیادہ سے زیادہ اپنے گناہوں سے توبہ و استغفار کریں کریں اور جن گناہوں سے توبہ کر چکے ہیں اسے دوبارہ نہ کرنے کی کوشش کریں۔
انہوں نے مزید کہا کہ تیسرا عشرہ جہنم سے آزادی کا ہے اس میں دعا، استغفار کرنا چاہیئے اور اللہ رب تقدیر سے دعا کریں کہ عشرہ جہنم سے آزادی کے صدقے میں پروانہ نجات عطا فرمائے اور اس عشرہ کی خاص دعائیں زیادہ سے زیادہ پڑھنے کی کوشش کرنا چاہیے۔
