متاثرہ افراد کا پولیس پر الزام

بہرائچ کے تھانہ فخرپور کے رہنے والے ببلو، شیاما دیوی اور سنجو دیوی کے گھر کے بیچ سے کچھ دبنگ غنڈے راستہ نکال رہے تھے۔

ریاست اتر پردیش کے بہرائچ میں کچھ دبنگ غنڈوں نے ایک غریب اہل خانہ سے مار پیٹ کے بعد اس کا آشیانہ جلا دیا۔

اہل خانہ کا الزام ہے کہ ' ان کے ساتھ مارپیٹ کرنے کے بعد ان کا گھر بھی جلا دیا گیا۔ پولیس فریاد نہیں سنتی بلکہ ہمارے ہی لوگوں کو جیل بھیجتی ہے۔ جائیں تو جائیں کہاں۔'

دراصل پورا معاملہ یہ ہے کہ ' بہرائچ کے تھانہ فخرپور کے رہنے والے ببلو، شیاما دیوی اور سنجو دیوی کے گھر کے بیچ سے کچھ دبنگ غنڈے راستہ نکال رہے تھے۔

اہل خانہ نے اعتراض جتایا تو دبنگوں نے پورا آشیانہ ہی جلا دیا جس کی وجہ سے یہ سبھی افراد بےگھر ہو گئے۔

اطلاعات کے مطابق 'ان لوگوں نے اس بات کی اطلاع تھانہ فخرپور کو دی تو وہاں بھی مایوسی ہاتھ لگی۔ الٹا ان کے خاندان کے دو افراد کو جیل بھیج دیا گیا۔

مجبور ہوکر یہ پورا خاندان کلکٹریٹ میں احتجاج پر بیٹھ گئے۔

اہل خانہ کا مطالبہ ہے کہ 'ضلع مجسٹریٹ ہماری زمین کی ناپی کروا کر ہمیں دلا دیں تاکہ ہم اپنے لیے چھت کا انتظام کر سکیں-

اس سلسلے میں ابھی کوئی بھی آفسر و پولیس بولنے کو تیار نہیں ہے۔