اترپردیش کے بارہ بنکی میں بجلی مزدور سنگٹھن کی جانب سے عوامی نمائندوں کے لئے اعزازی تقریب اور سمرستا بھوج کا اہتمام کیا گیا جس میں رکن پارلیمان اوپیندر راوت، گریجویٹ نشست سے ایم ایل سی اونیش پٹیل اور رکن اسمبلی شرد اوستھی کو اعزاز سے نوازا گیا۔
اس دوران تقریب میں موجود محکمہ بجلی کے اڈھاک ملازمین نے اپنے محکمہ سے متعلق مسئلے کو لے کر عوامی نمائندوں کو میمورنڈم دیا جس کے بعد تقریب میں موجود رہنماؤں نے ان کے مسائل کو حل کرانے کی یقین دہانی کرائی۔
شہر کے گھوسیانہ واقع بجلی دفتر میں ہوئی اس تقریب میں بڑی تعداد میں بجلی ملازمین نے شرکت کی۔ تقریب میں سب سے پہلے تمام عوامی نمائندوں کو اعزاز سے نوازا گیا۔ اس کے بعد اڈھاک بجلی ملازمیں نے اپنا میمورنڈم رکن پارلیمان اور رکن اسمبلی کو دیا۔
بجلی مزدور سنگٹھن کے جنرل سکریٹری سہیل ادیب نے کہا کہ 'اڈھاک بجلی ملازمین کو متعدد مسائل درپیش ہیں۔ 8-10 ہزار کی تعداد میں اڈھاک بجلی ملازمیں دسیوں برس سے محکمہ میں کام کر رہے ہیں لیکن آج تک ان کی نوکری مستقل نہیں ہوئی، جبکہ قانون یہ ہے کہ تین برس کام کرنے کے بعد کوئی بھی فرد محکمہ کا مستقل ملازم ہوگا۔'
مزید پڑھیں:
وبا کے دوران غیر معمولی کارکردگی پر اساتذہ کو اعزاز
انہوں نے کہا کہ 'قانون یہ بھی کہتا ہے کہ کسی بھی ملازم کو 18 ہزار سے کم محنتانہ نہیں دیا جائے گا۔ اس لئے ان کا مطالبہ ہے کہ تمام اڈھاک ملامین کو کم از کم 18 ہزار روپے ماہانہ اجرت دی جائیں۔
انہوں نے یہ بھی کہا کہ بجلی محکمہ میں خالی عہدوں کو اڈھاک ملازمین سے پر کیا جائے اس کے بعد تقریب میں موجود سبھی رہنماؤں نے ان کے مسائل کو حل کرانے کی یقین دہانی کرائی ہے۔
