اس مشکل گھڑی میں ہر باشعور شخص اپنے آپ کو اور دوسروں کو بھی کورونا جیسی مہلک وباء سے بچانے کے تمام تر طریقے اپنا رہا ہے۔
صرف اس لیے کہ ملک میں بیماری کے بڑھتے ہوئے پھیلاؤ کو روکا جاسکے۔
اس کے لئے بہت سے لوگ مختلف طرح کی تدابیر اپنا رہے ہیں، تاکہ لوگوں کو کچھ فائدہ پہنچ سکے، اور لوگوں کو کورنا جیسی مہلک بیماری سے بچایا جاسکے۔
اس ضمن میں ایکتا جیسوال روزانہ ماسک بنا کر ضرورت مندوں میں تقسیم کرتی ہیں ، وہ انھیں کورنا جیسی مہلک بیماری سے ہوشیار رہنے اور اس سے بچاؤ کے طریقوں سے بھی آگاہ کرتی ہیں۔
بہرائچ کووڈ۔19 جیسی وبا سے لڑنے کے لئے، بی جے پی مہیلا مورچہ کی شہر صدر ایکتا ایک ماہ سے لگاتار اپنی ذاتی رہائش گاہ پر چہرے کا ماسک بنا رہی ہیں اور قریب 2000 سے 2500 تک ماسک بنا چکی ہیں ۔
اور مستقل ماسک کو غریبوں اور ضرورتمندوں کے درمیان تقسیم کررہی ہیں، وہ لوگوں کو ماسک کے فوائد بتاتے ہوئے بیماری سے کس طرح سے بچا جائے اس کی بھی جانکاری فراہم کرتی ہیں۔
ایکتا نے کہا کہ چہرہ چھپاکر رکھنا بہت ضروری ہے اور اس کام میں ان کے شوہر بی جے پی نیتا رمیش جیسوال بھی ان کی مسلسل مدد کر رہے ہیں اور بی جے پی کے ضلع صدر شیام کرن ٹیکڑی وال بھی چہرے کے ماسک بنانے میں کپڑوں کی فراہمی کر رہے ہیں۔
ایکتا جیسوال نے بتایا کہ وہ ممبر اسمبلی انوپما جیسوال اور شہر صدر مہیلا مورچہ پرگیہ ترپاٹھی کی قیادت میں مستقل طور پر کام کررہی ہیں۔
