ریاست اتر پردیش کے ضلع مرادآباد کے عید گاہ میدان سے سی اے اے مخالف مظاہرین نے ہولی کی مبارکباد پیش کی ہے۔ پورے ملک میں آج ہولی کا تہوار منایا جا رہا ہے۔ لوگ ایک دوسرے پر رنگ ڈال کر ہولی منا رہے ہیں اور ہولی کی مبارکباد دینے کا سلسلہ بھی جاری ہے۔
جہاں ایک طرف آپس میں لوگ ہولی کی مبارکباد دے رہے ہیں تو وہیں دوسری طرف عید گاہ میدان میں سی اے اے کے خلاف تقریباً دو ماہ سے احتجاج جاری ہے۔ اسی عیدگا میدان سے احتجاج کر رہی خواتین نے ہولی کی مبارکباد کا پیغام دیتے ہوئے ایک ویڈیو سوشل میڈیا پر وائرل کیا گیا۔
اس ویڈیو میں کہا گیا ہے کہ 'بھارت میں ہر مذہب کے لوگ آپس میں مل کر رہتے ہیں جس طرح سے ہندو بھائی ہمارے تہوار عید میں شامل ہوتے ہیں اور ہمیں مبارکباد دیتے ہیں۔ اسی طرح سے مسلم بھائی بھی ہندو مذہب کے لوگوں کو مبارک باد دیتے ہیں۔ آج کے اس دور میں کچھ فرقہ پرست لوگ آپسی بھائی چارہ ختم کرنے کی کوشش کر رہے ہیں، ہم ایسے لوگوں کے منصوبوں کو کامیاب نہیں ہونے دینگے۔'
