تاریخی مقبروں میں شامل ہے بنارس کے راج گھاٹ علاقے میں دریائے گنگا کے ساحل پر واقع لال خان کا مقبرہ ہے۔ اس مقبرے کی تعمیر 1773ء ہوئی تھی، اس مقبر کے اردگرد ان کے اہل خانہ کی قبر ہے۔
راج گھاٹ علاقے میں واقع طویل اور خوبصورت احاطے میں تعمیر زبردست جنگجو لال خان کا مقبرہ شاندار اور خوبصورت ہے اپنے زمانے کے شان و شوکت کی شہادت دے رہا ہے۔
مورخین کے مطابق کہا جاتا ہے کی اس زمانے کے فوجی کمانڈر کاشی نریش تھے، جن سے لال خان نے اپنی آخری خواہش کا اظہار کرتے ہوئے کہا کہ میرے مرنے کے بعد ایسی جگہ دفن کرنا جہاں سے رام نگر قلعہ نظر آئے۔
لال خان کے انتقال کے بعد کاشی نریش نے ان کی آخری خواہش کے مطابق راج گھاٹ علاقے میں انہیں دفن کیا اور وہاں ایک خوبصورت مقبرہ تعمیر کرایا، جہاں سے واضح طور پر رام نگر کا قلعہ نظر آتا ہے۔
لال خان کے اس گزارش کے پیچھے مقصد یہ تھا کہ مرنے کے بعد بھی رام نگر کی دیار کی زیارت ہوتی رہے۔ بنارس سے تقریباً پانچ کلومیٹر کے فاصلے پر لعل خاں کے نام سے ایک آبادی بھی آباد ہے، جو لعل خان چوہٹے کے نام سے مشہور ہے۔
مزید پڑھیں:
عتیق احمد کے قریبی ساتھی عمران کی عمارت منہدم
یہ علاقہ اس لیے بھی سرخیوں میں رہا ہے کیونکہ بالی وڈ اسٹار عامر خان کی نانی کا مکان تھا، جسے دیکھنے عامر خان خود آئے تھے اور اس مکان کو خرید کر بطور تحفہ پیش کرنا چاہتے تھے۔
